Прэм’ер Украіны: сітуацыя з COVID-19 у краіне набывае пагражальныя маштабы
Фота rbc.ua
Навіны сюжэта
“Каранавірус: апошнія навіны”
За суткі ў Беларусі зарэгістраваны 1991 пацыент з COVID-19, выпісаны 1504
Мінпрацы: прышчэплены ўжо 76 працэнтаў работнікаў і 93 працэнты пражываючых стацыянарных сацустаноў
6 кастрычніка, Мінск /Кар. БЕЛТА/. Сітуацыя з COVID-19 ва Украіне набывае пагражальныя маштабы: у бліжэйшыя дні некалькі абласцей могуць трапіць у чырвоную зону эпідэміялагічнай небяспекі. Аб гэтым заявіў прэм’ер-міністр краіны Дзяніс Шмыгаль, паведамляе РБК-Украіна.
“У бліжэйшыя дні некалькі абласцей могуць трапіць у чырвоную зону. Гэта значыць, што кінатэатры, кафэ, рэстараны, спартзалы, тэатры і іншыя грамадскія месцы змогуць працаваць, толькі калі 100 працэнтаў работнікаў установы і 100 працэнтаў наведвальнікаў будуць поўнасцю вакцынаваны”, – заявіў Дзяніс Шмыгаль на пасяджэнні ўрада.
Прэм’ер-міністр адзначыў, што ў работнікаў паліцыі ёсць адпаведны праграмны софт, дзякуючы якому яны будуць правяраць у наведвальнікаў наяўнасць COVID-сертыфікатаў.
Ва Украіне на сённяшні дзень з-за росту шпіталізацый хворых на COVID-19 і высокай загружанасці ложкаў з кіслародам у аранжавай зоне эпідэміялагічнай небяспекі знаходзяцца 11 абласцей.
Як паведамляе Укрінфарм, за мінулыя суткі ва Украіне зарэгістравалі 12 662 новыя выпадкі заражэння COVID-19. Усяго з пачатку пандэміі ў краіне захварэлі 2 482 518 чалавек, выздаравелі 2 273 382 пацыенты, памерлі 57 526 чалавек.-0-
