Дэпутат: мы павінны адстойваць раўнапраўнае супрацоўніцтва паміж краінамі ЦЕІ
Сяргей Дзік. Фота з архіва
Навіны сюжэта
“Каранавірус: апошнія навіны”
Францыя адмяніла бясплатныя тэсты на COVID-19 для непрышчэпленых дарослых
ЗША адкрыюць граніцы для цалкам прышчэпленых іншаземцаў 8 лістапада
15 кастрычніка, Мінск . Мы павінны адстойваць раўнапраўнае супрацоўніцтва паміж краінамі Цэнтральна-Еўрапейскай ініцыятывы. Аб гэтым заявіў журналістам член Пастаяннай камісіі па міжнародных справах Палаты прадстаўнікоў Сяргей Дзік. Сёння ён прыняў удзел у пасяджэнні Парламенцкай асамблеі Парламенцкай структуры Цэнтральна-Еўрапейскай ініцыятывы, якое прайшло ў анлайн-фармаце,
“Мы павінны адстойваць раўнапраўнае супрацоўніцтва паміж краінамі, якія ўваходзяць у Цэнтральна-Еўрапейскую ініцыятыву, перш за ўсё па палітычных пытаннях. На гэты момант таксама актуальна ўзаемадзеянне па пытаннях COVID-інфекцыі. Каб мы ад нашых партнёраў чулі не нейкія ноткі асуджэння, павучання, а карысныя, канструктыўныя прапановы, на якія мы з задавальненнем адгукнёмся”, – сказаў Сяргей Дзік.
Роля Цэнтральна-Еўрапейскай ініцыятывы павінна быць больш эфектыўнай. “Пакуль яна не такая выразная. І незалежна ад прыналежнасці да розных палітычных блокаў мы павінны ўзаемадзейнічаць, каб эфектыўна вырашаць тыя праблемы, якія цяпер стаяць перад усім светам”, – адзначыў парламентарый.
Паводле яго слоў, усім стала відавочна, што беларуская мадэль барацьбы з COVID-19 аказалася правільнай. “Сёння я азнаёміўся з данымі, і, напрыклад, у Еўропе першае месца па захваральнасці займае Літва, па смяротнасці – трэцяе. У Беларусі сітуацыя таксама няпростая, гэта падкрэсліваў і міністр аховы здароўя. Мы ўсеё гэта разумеем, але сітуацыя кіруемая дзякуючы той сістэме, якая была выбудавана раней і якая паказала сваю эфектыўнасць у барацьбе з COVID-19. Іншага выйсця з сітуацыі не існуе”, – дадаў ён.
