Макей у Нью-Ёрку сустрэўся з кіраўніком МЗС Сірыі
Фота Reuters
24 верасня, Мінск . Міністр замежных спраў Беларусі Уладзімір Макей у Нью-Ёрку правёў сустрэчу з кіраўніком сірыйскага МЗС Фейсалам Мікдадам. Аб гэтым паведамілі ў прэс-службе беларускага знешнепалітычнага ведамства.
Бакі пацвердзілі ўзаемную зацікаўленасць у далейшым развіцці палітычнага дыялогу, гандлёва-эканамічнага ўзаемадзеяння, абмяняліся меркаваннямі па асноўных пытаннях міжнароднага парадку дня.
Як паведамлялася , Уладзімір Макей 21-28 верасня наведвае Нью-Ёрк для ўдзелу ў 76-й сесіі Генеральнай Асамблеі ААН.
У праграме візіту – выступленне на агульнапалітычнай дыскусіі 76-й сесіі Генасамблеі ААН, саміце ААН па харчовых сістэмах, удзел у міністэрскай сустрэчы Групы сяброў у абарону Статута ААН па тэме процідзеяння аднабаковым мерам.
Таксама на палях Генасамблеі праходзяць двухбаковыя сустрэчы з калегамі з розных рэгіёнаў свету.
