Лукашэнка расказаў, што трэба рабіць з балбатунамі ў інтэрнэце | Навіны Беларусі | Беларускія навіны | Беларусь – афіцыйныя навіны | Мінск | БелТА
Навіны сюжэта
“Каранавірус: апошнія навіны”
Вучоныя знайшлі новы спосаб прагназаваць цяжкі ход COVID-19
Прагноз ад кіраўніка Міністэрства аховы здароўя: у лістападзе зніжэнне захваральнасці на каранавірус, 5 млн прышчэпленых да канца года
19 кастрычніка, Мінск . Інфармацыйны шум вакол сітуацыі з каранавірусам ствараецца праціўнікамі беларускай дзяржавы спецыяльна. Аб гэтым Прэзідэнт Беларусі Аляксандр Лукашэнка заявіў сёння на нарадзе па эпідэміялагічнай сітуацыі ў краіне,
“Вы ведаеце, як з кавідам нам давядзецца жыць, так і з гэтымі балбатунамі ў інтэрнэце. Таму менш трэба на гэта звяртаць увагі”, – лічыць Аляксандр Лукашэнка.
Прэзідэнт падкрэсліў, што інфармацыйны шум вакол сітуацыі з каранавірусам ствараецца спецыяльна. “Гэта ж не нашы знутры тут крычаць. А крычаць з-за мяжы: з Польшчы, Літвы, можа быць, часткова з іншых дзяржаў. Чаму крычаць: грошы трэба адпрацаваць, грошы ўзялі вялікія. І потым жа жыць хочацца добра, таму яны такім чынам зарабляюць”, – адзначыў кіраўнік дзяржавы.
Акрамя таго, праціўнікі беларускай дзяржавы разлічваюць на мяцеж у Беларусі. Галоўная іх задача – узбунтаваць людзей і вывесці іх на вуліцу, каб яны выступілі супраць улады, заявіў Аляксандр Лукашэнка. “Я пачынаю глядзець, што гэта за каналы – жулікі і бандыты, супраць якіх Камітэт дзяржбяспекі змагаецца не першы месяц і якія ў нас аб’яўлены экстрэмістамі”, – дадаў Прэзідэнт.
