Эпідэміёлаг: пацыенты з хранічнымі захворваннямі добра пераносяць вакцыну ад COVID-19
Фота з архіва
Навіны сюжэта
“Каранавірус: апошнія навіны”
Латвіі пагражае крызіс пасажырскіх перавозак: непрышчэпленыя вадзіцелі шукаюць работу ў Германіі
Міністэрства аховы здароўя рэкамендуе выкарыстоўваць маскі пры наведванні аб’ектаў і арганізацый
22 кастрычніка, Мінск . Пацыенты з хранічнымі захворваннямі даволі добра пераносяць вакцыну ад COVID-19, паведаміла журналістам намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Ірына Глінская,
Намеснік галоўнага ўрача цэнтра абвергла адзін з міфаў адносна вакцынацыі, згодна з якім людзям з хранічнымі захворваннямі проціпаказана вакцынацыя.
“Наяўнасць хранічных захворванняў – гэта, наадварот, паказанне для вакцынацыі, таму што ў такіх людзей ёсць рызыкі, што COVID-19 можа працякаць цяжэй. Вакцынацыю людзі з хранічнымі захворваннямі пераносяць даволі добра”, – сказала Ірына Глінская.
У студзені – лютым, калі ў краіне толькі пачыналася прышчэпачная кампанія, было значна менш даных. На сёння назапашаны вялікі вопыт вакцынацыі людзей з рознымі захворваннямі. “І гэты вопыт паказвае, што вакцынацыю яны пераносяць добра”, – падкрэсліла намеснік галоўнага ўрача цэнтра.
Ірына Глінская заўважыла: пры пэўных захворваннях ёсць верагоднасць, што спецыфічны імунітэт пасля вакцынацыі будзе менш інтэнсіўны, менш напружаны. “Тым не менш ён будзе. І пэўную ролю пры сустрэчы з узбуджальнікам ён адыграе”, – дадала яна.
Людзям з хранічнымі захворваннямі мэтазгодна абмеркаваць магчымасць вакцынацыі са сваім лечачым урачом. Пры неабходнасці асноўны ўрач прыцягне калег, збярэцца кансіліум, на якім вырашаць, ці можна цяпер засцерагчы канкрэтнага пацыента з дапамогай вакцынацыі або яе трэба адкласці на нейкі час.
