Даследаванне: вакцынацыя на 90 працэнтаў зніжае рызыку шпіталізацыі і смерці ў людзей старэйшых за 50 гадоў
Фота з архіва
Навіны сюжэта
“Каранавірус: апошнія навіны”
За суткі ў Беларусі зарэгістраваны 2038 пацыентаў з COVID-19, выпісаны 1534
Санурач: патрэбна актывізацыя прымянення мер адміністрацыйнай адказнасці за парушэнне саннорм і правіл па папярэджанні распаўсюджвання каранавіруса
12 кастрычніка, Мінск /Кар. БЕЛТА/. Вакцыны ад COVID-19 на 90 працэнтаў зніжаюць рызыку шпіталізацыі і смерці ў людзей старэйшых за 50 гадоў. Такія даныя прадаставіла французская даследчая група Epi-Phare. Аб гэтым паведамляецца на сайце Epi-Phare.
У двух паралельных даследаваннях прынялі ўдзел больш за 22 млн чалавек: 15,4 млн чалавек ва ўзросце ад 50 да 74 гадоў (7,7 млн прышчэпленых і 7,7 млн невакцынаваных) і 7,2 млн чалавек ва ўзросце 75 гадоў і старэйшыя (3,6 млн прышчэпленых і 3,6 млн невакцынаваных). Даследаванне праходзіла з 27 снежня па 20 ліпеня 2021 года.
Даныя, атрыманыя ў час даследаванняў, паказалі, што вакцынацыя зніжае рызыку шпіталізацыі і смерці на 90 працэнтаў. Вучоныя таксама выявілі, што прэпараты ад COVID-19 у групе, дзе прымалі ўдзел людзі старэйшыя за 50 гадоў, эфектыўныя супраць дэльта-варыянта каранавіруса.
Як расказаў дырэктар кампаніі Epi-Phare эпідэміёлаг Махмуд Зурэйк, гэта азначае, што ў вакцынаваных людзей у дзевяць разоў менш шанцаў быць шпіталізаванымі або памерці з-за COVID-19, чым у невакцынаваных.-0-
