Палата прадстаўнікоў прыняла ў другім чытанні законапраект аб турызме
У час сесіі
4 кастрычніка, Мінск . Дэпутаты на пасяджэнні шостай сесіі Палаты прадстаўнікоў Нацыянальнага сходу Беларусі сёмага склікання прынялі ў другім чытанні законапраект “Аб турызме”,
Праект закона ўнесены ў Палату прадстаўнікоў Саветам Міністраў 18 мая 2020 года і прыняты ў першым чытанні 16 красавіка 2021 года.
Законапраект павінен забяспечыць комплекснае, сістэмнае і больш поўнае рэгуляванне грамадскіх адносін у сферы турызму, вырашыць набалелыя праблемы. У прыватнасці, акцэнт зроблены на паляпшэнні прававога становішча грамадзян, якія карыстаюцца турыстычнымі паслугамі, і абароне іх інтарэсаў.
Асноўная навела законапраекта – увядзенне інстытута фінансавага забеспячэння адказнасці тураператараў, дзеючых у сферы міжнароднага выязнога турызму. Механізм абароны правоў спажыўцоў уключае тры спосабы такога забеспячэння, маючых варыятыўны характар: дагавор страхавання адказнасці тураператара за прычыненне маёмаснай шкоды ўдзельнікам турыстычнай дзейнасці, банкаўская гарантыя забеспячэння выканання тураператарам абавязацельстваў пры прычыненні маёмаснай шкоды ўдзельнікам турыстычнай дзейнасці і ўдзел тураператара ў фарміраванні фонду адказнасці тураператараў. Гэтыя спосабы прымяняюцца ў выпадках, калі тураператар не можа выканаць свае абавязацельствы па дагаворах аказання турыстычных паслуг у сферы міжнароднага выязнога турызму. Вычарпальны пералік такіх выпадкаў устаноўлены законапраектам. Падрабязна вызначаны парадак і ўмовы рэалізацыі кожнага з гэтых спосабаў.
Пасадзейнічаць павышэнню адказнасці тураператараў за паслугі павінен і падзел адказнасці турагентаў і тураператараў у названым пытанні. Разам з гэтым прадугледжаны змяненні і ў частцы аднабаковай адмовы ад выканання абавязацельстваў. Так, законапраект устанаўлівае, што адносіцца да фактычна панесеных расходаў, якія падлягаюць пакрыццю тураператару заказчыкам пры аднабаковай адмове ад выканання абавязацельстваў па адпаведным дагаворы. Для выканаўцы прадугледжана неабходнасць пацвярджаць фактычна панесеныя расходы, абазначаць у плацежных i iншых дакументах крыніцу гэтых расходаў. Вызначаны наступствы такога непацвярджэння.
Каб упарадкаваць вырашэнне канфліктаў з выканаўцам, законапраект рэгламентуе прэтэнзійны парадак урэгулявання спрэчак і ўстанаўлівае абавязковы характар гэтага парадку да звароту з іскам у суд, калі іншае не вызначана дагаворам аказання турыстычных паслуг. Для аптымізацыі аказання турыстычных і экскурсійных паслуг замацавана магчымасць заключыць адпаведныя дагаворы ў электронным выглядзе.
Акрамя таго, для абароны прафесійна-этычнага складніка экскурсійнага абслугоўвання і павышэння якасці экскурсійных паслуг устанаўліваецца забарона на правядзенне экскурсій тымі, хто не мае пасведчання аб прафесійнай атэстацыі, што пацвярджае кваліфікацыю экскурсаводаў, гідаў-перакладчыкаў.
Для паляпшэння якасці экскурсійнага абслугоўвання заканадаўча замацавана магчымасць прымяняць аўдыягіды, мабільныя суправаджэнні экскурсій і іншыя тэхнічныя сродкі, што абумоўлена развіццём інфармацыйных тэхналогій, а таксама мэтазгоднасцю эканоміць фінансавыя і чалавечыя рэсурсы, асабліва ў пік турыстычных сезонаў.
Законапраект узгоднены без заўваг Нацыянальным банкам, Саветам па развіцці прадпрымальніцтва, Саветам Міністраў, атрымаў станоўчыя заключэнні Нацыянальнага цэнтра заканадаўства і прававых даследаванняў і галоўнага прававога ўпраўлення Сакратарыята Палаты прадстаўнікоў. Па выніках крыміналагічнай экспертызы норм, прымяненне якіх можа прывесці да рызык крымінагеннага характару, у законапраекце не выяўлена.
“Прыняцце гэтага закона дасць магчымасць вырашыць актуальныя праблемы ў турыстычнай сферы і закласці якасна новы прававы фундамент у гэтай галіне”, – адзначыў намеснік старшыні Пастаяннай камісіі па ахове здароўя, фізічнай культуры, сямейнай і маладзёжнай палітыцы Аляксандр Масяйкоў.
